🌙✨ प्रार्थना आणि विज्ञान – मेंदूवरची जादू

 

🌙✨ प्रार्थना आणि विज्ञान – मेंदूवरची जादू 

एकदा काय झालं…

चिंकी आणि पिंटू रात्री झोपायच्या आधी उगाच खिदळत बसले होते.

चिंकी म्हणाली,

“पिंटू, जर देवाने माझी प्रार्थना ऐकली, तर उद्या माझा गणिताचा टेस्ट कॅन्सल!”

पिंटू लगेच हसून म्हणाला,

“आणि माझी? मला उद्या school च्या कॅन्टीनमध्ये फक्त आइसक्रीम मिळू दे!”

दोघांची स्वप्नं ऐकून त्यांच्या आईने हसत विचारलं,

“अहो महाराजांनो, पण प्रार्थना म्हणजे जादूची छडी नाहीये बरं का! तरीही ती मेंदूवर जादू करते.”

चिंकीचे डोळे गोल,

“मेंदूवर जादू? कशी काय?”

आई म्हणाली,

“जेव्हा तुम्ही प्रार्थना करता ना… ‘देवा, आजचा दिवस छान जाऊ दे’… तेव्हा तुमच्या मेंदूत शांतता येते. तो म्हणतो— ‘ओह, आज काहीतरी चांगलं होणार आहे!’”

पिंटूने हात वर केला,

“म्हणजे देव WiFi सारखा सिग्नल पाठवतो का मेंदूला?”

आई हसून म्हणाली,

“हो, पण फ्रीमध्ये! आणि strong connection!” 😄

मग आईने सांगितलं—

✨ प्रार्थना केल्यावर मन शांत होतं

✨ भीती कमी होते

✨ झोप पटकन लागते

✨ आणि मेंदू खुश होतो

चिंकी म्हणाली,

“म्हणजे प्रार्थना म्हणजे मेंदूचा गुडनाईट हग!”

आईने त्यांना पांघरूण घालत म्हणाली,

“हो ग, अगदी तसंच.”

दोघांनी हात जोडले आणि छोटंसं म्हणाले—

“देवा, उद्या छान दिवस जाऊ दे…

आणि शाळेत आइसक्रीम मिळालंच तर बोनस!” 😆

आणि दोघे केवढे पटकन झोपले…

कारण मेंदूला त्यांचा गुडनाईट हग मिळाला होता.